Cristiano Ronaldo ka folur me gjyqtarin anglez Martin Atkingson në pjesën e parë të fitores së Real Madridit ndaj Atletico Madridit për të diskutuar nëse goli i tij i epërsisë ishte nga pozita jashtë loje.

Ish ylli i Manchester United shënoi hat-trick në ndeshjen e parë të gjysmëfinales në Ligës së Kampionëve të zhvilluar në ‘Santiago Bernabeu’, transmeton portali arbresh.info. Goli i epërsisë nga Ronaldo ngjalli debat të madh nëse ishte pozitë jashtë loje apo jo, prandaj 32-vjeçari priti në tunel Atkinsonin për të diskutuar rreth kësaj.

Duke folur në gjuhën angleze, Ronaldo pyeti gjyqtarin: “Atkinson, ishte ‘offside’? E keni parë këtë?”

Atkinson iu përgjigj: “Fillimisht ti ishte në pozitë jashtë loje, por më pas nuk ishe”

Ronaldo shtoi: ‘Por, unë nuk kam ndërhyrë”.

Duket se Ronaldo dëshironte të sigurohej që zyrtari anglez nuk ka bërë ndonjë gabim gjatë 45 minutave lojë në ‘Santiago Bernabeu’./arbresh.info