Gjendet e vdekur gjykatësja e parë myslimane në Amerikë

15:05 | 13 Prill 2017
Arbresh.info

Juristja me ngjyrë e cila u bë gruaja e parë nga komuniteti mysliman që shërbeu si gjykatëse në Amerikë, është gjetur e vdekur në lumin Hudson në Nju Jork.

Sheila Abdus-Salaam, 65-vjeçare e cila punonte si gjykatëse në Gjykatën e Apelit në Nju Jork, u gjet pa shenja jete në anën perëndimore të Manhatanit, transmeton portali arbresh.info.

Policia nxori trupin e saj me rroba nga uji, ku edhe u shpall e vdekur në vendin e ngjarjes. Familja e saj e identifikoi atë, ndërsa mbetet të kryhet autopsia për të zbuluar shkakun e vdekjes.

Policia ka thënë se trupi i saj nuk tregon shenja dhune, por kanë refuzuar të spekulojnë për shkaqet e vdekjes.

Abdus-Salaam, me prejardhje nga Uashington DC, u bë gruaja e parë afrikano-amerikane që u caktua në Gjykatën e Apelit, kur guvernatori Demokrat Mario Cuomo e emëroi atë në gjykatën e lartë më 2013./Arbresh.info