Përpjekja proteksioniste dhe pasiguria në Evropë lidhur me zgjedhjet franceze përbëjnë rreziqe për rritjen ekonomike botërore, theksoi sot drejtoresha e Fondit Monetar Ndërkombëtar, Christine Lagarde.

“Ekzistojnë rreziqe për përkeqësimin ekonomik si pasiguritë politike, veçanërisht në Evropë, rreziku i vazhdueshëm i proteksionizmit që peshon mbi tregtinë botërore”, theksoi drejtuesja e FMN-së në një fjalim të mbajtur në Bruksel.

Drejtoresha e FMN-së e vuri theksin tek pasiguria në zgjedhjet presidenciale franceze që do të mbahen pas dy javëve dhe zgjedhjet gjermane parashikuar në vjeshtë.

“Të gjithë pyesin, cili do të jetë presidenti i ardhshëm francez? Cili do të jetë koalicioni i ardhshëm në Gjermani?”, shtoi ish-ministrja franceze e Ekonomisë në një intervistë për Bloomberg TV duke shprehur shqetësimin e saj për përfundimin e këtyre zgjedhjeve.

“Muajt e fundit kanë treguar se skenare të paparashikueshme mund të ndodhin”, deklaroi ajo duke iu referuar Brexit-it dhe fitores së papritur të Donald Trump në SHBA.