Pas lindjes në pllaka të një nënë në ditën e djeshme në Klinikën e Gjinekologjisë në Prishtinë, Shërbimit Spitalor Klinik Universitar të Kosovës ka njoftuar se ka nisur hulumtimin lidhur me një rast të dyshimtë në Klinikën Obstetrike Gjinekologjike.

Drejtoria e Përgjithshme  e SHSKUK-së, ka kërkuar deklaratë me shkrim nga menaxhmenti  i Klinikës Obstetrike Gjinekologjike,  duke kërkuar sqarim,  informacione dhe hulumtim të detajuar në lidhje me rastin, të gjeturat dhe përgjegjësinë eventuale.

Po ashtu, janë kërkuar deklaratat nga shefi i ndërrimit, mjekët, shefi i sallës, mamive apo të gjithë personave  të tjerë që lidhen me rastin në fjalë.

Dje u raportua se në momentin që dje Vahide Tasholli nga Ferizaj po përjetonte dhimbjet e fundit të lindjes, asnjë mjek nuk ishte i pranishëm në sallë të lindjes.

Mediat thanë se foshnja e porsalindur kishte rënë mbi pllaka duke pësuar lëndime serioze me të ardhur në jetë nga neglizhenca e stafit mjekësor