Mjekët ia kthejnë veshin artificial nga dora në kokën e tij

18:13 | 1 Prill 2017
Arbresh Info

Mund të ketë tingëlluar absurde, kur në nëntor të vitit të kaluar doktorët në Kinë vendosën të mbjellin një vesh artificial në dorën e një burri që kishte humbur veshin e tij. Në këtë mënyrë pasi veshi të zhvillohej ata do ta bartnin aty ku kishte qenë veshi i vërtetë.

Por sado absurde të ketë tingëlluar, doktorët ia kanë arritur ta modelojnë veshin me anë të printimit 3D duke përdorur një nga brinjtë e pacientit.

Përgjatë një operacioni që zgjati 7 orë këtë javë, doktorët larguan veshin nga dora e pacientit dhe e transplantuan atë në anën e majtë të kokës së tij.

Ky vesh artificial do të jetë në gjendje t’i kryejë të gjitha funksionet që një vesh normal parashihet të kryejë.

mjeket-transplantojne-me-sukses-veshin-artificial-qe-kishin-mbjellur-ne-doren-e-nje-burri-ne-koken-e-tij-3