Ata mund të jenë rivalët më të mëdhenj në botën e futbollit, por Lionel Messi dhe Cristiano Ronaldo i kanë bashkuar forcat për të bërë një apel kundër luftës në Siri.

Yjet e La Ligas, që vazhdimisht kanë luftuar ndaj njëri-tjetrit për të qenë lojtari më i mirë në botë, kanë shfrytëzuar faqet e tyre në rrjete sociale për të postuar mesazhe emocionuese për ndjekësit e tyre, transmeton portali arbresh.info.

Dyshja e famshme, të cilët janë që të dy prindër, kanë bërë thirrje për paqe në Siri dhe për mbrojtjen e fëmijëve të cilët janë duke vuajtur nga mizori, dhuna dhe uria në vend.

“Një ditë lufte është e tepërt. Fëmijët në Siri kanë qenë pjesë e dhunës dhe mizorit që gjashtë vite në një konflikt që i mban ata peng. Si një baba dhe ambasador i UNICEF-it, jam me zemër të thyer. Ngritni zërin tuaj në UNICEF për të kërkuar përfundimin e luftës”, shkruan ylli i Barcelonës Lionel Messi në postimin e tij në Facebook.

Sulmuesi i Real Madridit, Cristiano Ronaldo ka ndjekur sulmuesin e gjigantit katalunas duke kërkuar të njëjtën gjë përmes një shkrimi në Instagram.

“Sot mendoj për fëmijët në Siri si Omari”, shkroi reprezentuesi portugez në foton e postuar së bashku me djalin e tij, Cristiano Jnr./arbresh.info

https://www.facebook.com/LeoMessi/photos/a.301943896491878.81719.176063032413299/1748849631801290/

https://www.instagram.com/p/BRqyVr_FNbc/