Është përuruar Ditën e Verës projekti i sapo përfunduar i Bashkisë së Tiranës për restaurimin e Pazarit të Ri.

Të pranishëm ishin Kryeministri Edi Rama i shoqëruar nga kreu i Bashkisë Erion Veliaj dhe ish-Ministri i Brendshëm Saimir Tahiri.

“Dita e Verës nis me 1000 të sapopunësuar në Pazarin e Rilindur të Tiranës së Gjeneratës Tjetër”. ka qenë fjalia e parë e Kryeministrit Rama

Pavarësisht se sot është ditë feste, socialistët nuk kanë mundur t’i shpëtojnë tundimit për të ironizuar PD-në. Ka qenë kryebashkiaku Veliaj ai që theksoi se edhe Pazari i Ri është një çadër, por ndryshe nga ajo e PD, kjo është një çadër e punës.

“Komplet për rastësi, edhe sfondi klasik edhe ndoshta pejsazhi më i fotografuar i pazarit i ngjan një çadre. Kjo është gjithashtu një çadër, por është një çadër e punës. Nga sot fillojnë punë 1007 veta në 308 biznese të pazarit të ri. Ne besojme te një çadër dhe një strehë e punës, ndaj dhe miqtë e mi kemi humbur shumë kohë me tollovi dhe sherre, fjalë, ka ardhur koha të përveshim mënget ta çojmë tiranën dhe shqipërinë me lart me njerëzit e punës dhe bashkimit.” tha Veliaj