Shpëtoi dy fëmijë nga zjarri, por nuk i shpëton deportimit

20:12 | 5 Mars 2017
Trina Galanxhi

Ky burrë që shpëtoi dy fëmijë nga zjarri që kishte kapluar një shtëpi në Manchester, nuk i shpëton dot deportimit.

Robert Chilowa, kishte marrë lëvdata të mëdha pasi arriti të shpëtonte jetën e fëmijëve të fqinjëve të tij, duke u thënë atyre që të hidheshin nga dritarja dhe të kërcenin drejt në duart e tij, transmeton portali arbresh.info.

Ai jeton në Britani të Madhe që nga vitit 2001, por tani po përballet me një situatë aspak të këndshme. Ai pritet të deportohet në Zimbabve, Afrikë, ku ai ka frikë për sigurinë e tij.

“Pas asaj që kam bërë, kjo është një shuplakë në fytyrë”, ka thënë ai.

Ai ka shtuar se njerëzit e pyetnin se ‘kur do të takonte Mbretëreshën’ për punën e madhe që ka bërë.

“Unë bëra një punë të madhe, por e tërë që më thonë ata është që të largohem”, ka shtuar ai.

Robert është urdhëruar që të largohet nga vendi deri me 11 mars./Arbresh.info