Kombet e Bashkuara kanë paralajmëruar se numër i madh i fëmijëve rrezikojnë jetët e tyre në rrugëtimin e rrezikshëm nga Libia në Itali.

Unicef-i ka njoftuar se rreth 26,000 fëmijë, shumica e tyre të pashoqëruar, kanë kaluar Mediteranin vitin e kaluar duke shtuar se shumica e fëmijëve vuajnë nga dhuna dhe abuzimi seksual në duart e trafikantëve, transmeton arbresh.info.

Por në shumicën e rasteve këto abuzime nuk denoncohen nga frika se do të dëbohen.

Gjithashtu në qendrat e ndalimit ka mungesa të ushqimit, ujit dhe kujdesit mjekësor.

Shumica e fëmijëve emigrantë nga Libia nuk janë të shoqëruar nga prindërit apo ndonjë kujdestar, kurse rreziqet me të cilat ata përballen, përpos atyre në detin e hapur, nuk denoncohen dhe nuk janë gjerësisht të njoftuara, shkruhej në raportin e fundit të organizatës Unicef.

“Shumë nga këta fëmijë janë brutalizuar, përdhunuar ose vrarë në këtë rrugëtim”, citon raporti./Arbresh.info