Ky projekt i cili është financuar nga Bashkimi Evropian dhe menaxhuar nga Zyra e Bashkimit Evropian në Kosovë dhe e implementuar nga QKZH në Gjakovë ka për qëllim ndërtimin e këtij objekti si kontribut në rritjen e qëndrueshme ekonomike në regjionin perëndimorë të Kosovë dhe përmirësimin ambientit për sektorin privat në regjionin perëndimor.

Qendra Multifunksionale e bizneseve në Gjakovë, do të ndihmojë bizneset lokale dhe Rajonale të fokusuara në Agro-turizëm, për përgatitje të projekteve dhe aplikim te donatorët vendor dhe ndërkombëtarë, kështu u shpreh përfaqësuesi i zyrës së BE në venin tonë.

Destan Krasniqi, drejtor ekzekutiv në Qendrën Kosovare për Zhvillim, ka prezantuar të gjitha aktivitet e projektit, përfshirë edhe certifikimin e Komunës së Gjakovës me ISO standarde si e para Komunë në Kosovë. Ai ka pohuar se i tërë ky projekt që finalizohet me hapjen e kësaj qendre arrin vlerën në 519,732.00 euro, prej së cilës Bashkimi Evropian ka ndarë 405,394.00 euro ndërsa Komuna e Gjakovës 114,342.00 euro.