Kreu i AKR-së, Behgjet Pacolli ka komentuar përmbylljen e konventës rinore të AKR-së.

Nëpërmjet një statusi në rrjetin social facebooj ai ka thënë se AKR sot përmbylli me sukses punën e riorganizimit të Forumit Rinor ku në garë ishin katër kandidatë të mrekullueshëm.

Statusi i plotë:

Përmbyllje madhështore e Konventës rinore të AKR-së…

Të dashur miq, AKR sot përmbylli me sukses punën e riorganizimit të Forumit Rinor. Në garë ishin katër kandidatë të mrekullueshëm.

Samiu, Zijadini, Blerimi dhe Liridoni iu dhanë leksion të gjitha organizimeve partiake se si zhvillohet një garë e fortë demokratike.

Edhe debati që u zhvillua para fillimit të votimit ndërmjet kandidatëve ishte tregues i qartë se çka përfaqëson AKR sot. Samiut I uroj sukses në mandatin e tij një vjeçar.

Suksese i uroj edhe Zijadinit dhe Blerimit qe do ta udhëheqin Forumin Rinor vitin e ardhshëm respektivisht pas dy vitesh AKR sot është parti e konkurrencës së vlerave.

Misioni ynë sot është ndryshimi i gjendjes ekonomike dhe sociale në vend.

Misioni ynë është perspektiva dhe vendet e punës për të rinjët tanë. Një falenderim i madh shkon për secilin anëtar të Forumit Rinor të AKR.Sfida të mëdha na presin!

#AKR shpresë për Rininë