Egjiptiani i arrestuar në lidhje me sulmin terrorist në Muzeun e Louvrit në Paris, ka refuzuar të flasë për policinë.

I dyshuari u qëllua në stomak dhe u plagos pasi sulmoi me hanxhar dy policë francezë, transmeton portali arbresh.info.

Franca është goditur nga disa sulme terroriste vdekjeprurëse, ndërsa ky i fundit ka futur në pikëpyetje çështjen e sigurisë.

Hetuesit kanë vendosur që të dyshuarin ta marrin në pyetje nga dhoma e spitalit ku ndodhet ai, pasi sipas tyre gjendja e tij është përmisuar.

Përkundër refuzimit të tij për bashkëpunim, policia anti-terror ka vendosur që të marrë në pyetje prap të dyshuarin.

I dyshuari është duke u mbajtur në një spital të Parisit.

Bazuar në të dhënat e tij, ai është menduar të jetë Abdallah El-Hamahmy, një 29-vjeçar që jeton në Emiratet e Bashkuara dhe ka hyrë në Francë në mënyrë të ligjshme, përmes një fluturimi nga Dubai me 26 janar.

Hetuesit besojnë se jetonte me një apratmet me qira  pranë Champs Elysees./Arbresh.info