“Nuk është në interesin e Britanisë që vendet tjera të largohen nga BE-ja”

An illustration shows the white paper setting out Britain's government statergy for departing the European Union, outside Parliament, in London, Britain February 2, 2017. REUTERS/Peter Nicholls

23:50 | 2 Shkurt 2017
Trina Galanxhi

Ministri britanik i Shtetit për Tregtinë dhe Investimet në një intervistë për një gazetë gjermane, ka deklaruar se Britania nuk dëshiron që vendet tjera të ndjekin shembullin e saj dhe të largohen nga Bashkimi Evropian.

Britanikët përmes një referendum të mbajtur në qershor të vitit të kaluar votuan pro largimit nga BE-ja, ndërsa qeveria britanike po synon të fillojë negociatat për daljen nga blloku me 31 mars të ketij viti, transmeton portali arbresh.info.

“Nuk është në interesin e Britanisë që anëtarët tjerë të BE-së të ndjekin shembullin tonë”, tha Greg Hands për Rheinische Post.

Ai shtoi se britanikët kërkojnë që BE-ja të mbetet e bashkuar dhe e fortë.

Presidenti i SHBA-ve Donald Trump e ka quajtur ‘Brexit’ si një gjë të madhe dhe ka thënë se beson që edhe vendet tjera do të ndjekin shembullin e saj./Arbresh.info