Të enjten Haradinaj del sërish para gjykatës, pritet vendim i ri për të

11:40 | 9 Janar 2017
M. A.

Ramush Haradinaj të enjten pritet të dalë sërish para trupit gjykues francez, që javën që shkoi e ndaloi kreun e AAK-së në paraburgim, një ditë pasi u arrestua në Francë në bazë të një urdhërarresti të lëshuar nga Serbia.

Kjo është bërë e ditur nga avokat i Haradinajt në Kosovë, Arianit Koci. Ai tregoi edhe bindje se ish-komandat i Zonës së Dukagjinit, të enjten, do të lirohet me kusht, deri në përfundimin e procedurës dhe dhënies së vendimit përfundimtar.

Ndryshe, një Gjykatë e Apelit e la në paraburgim, të enjten që shkoi, ish-kryeministrin e Kosovës që u arrestua në aeroportin e Bazelit, shkaku i një urdhërarresti që Serbia e ka lëshuar vite më parë ndaj Haradinajt për gjoja krime lufte ndaj serbëve të uniformuar, por edhe civilë, që ndodheshin në Kosovë gjatë viteve 1998/99.

E njëjta gjykatë i dha Serbisë afat kohor që të deponojë prova ndaj kreut të AAK-së.