Ministri i Greqisë për Migrim thotë se shumica e njerëzve që kanë hyrë ilegalisht nga Turqia nuk janë refugjatë, por emigrantë ekonomikë.

Yannis Mouzalas tha se njerëzit që vijnë në ishujt grekë nuk vijnë nga vendet e shkatërruara nga lufta, si Siria dhe Iraku, transmeton arbresh.info.

Mouzalas ka vlerësuar marrëveshjen e arritur para 10 muajve mes BE-së dhe Turqisë për kthimin e emigrantëve, por grupet e të drejtave të njeriut e kanë kritikuar ashpër marrëveshjen.

Ai pretendon se 100 mijë emigrantë dhe refugjatë  do të qëndronin në bllokuar nëse nuk do të zbatohej marrëveshja.

Greqia ka raportuar se rreth 60 mijë njerëz janë bllokuar për shkak të mbylljes së kufirit në vende të tjera në Evropë gjatë vitit të kaluar.

Shumica e emigrantëve vazhdojnë të jetojnë në kampe të ndërtuara nga qeveria greke./Arbresh.info