Autoritetet turke kanë arrestuar disajnerin e modës, Barbaros Sansal, me akuzën për nxitje të urretjes në mediat sociale, një ditë pasi ai u sulmua nga mbajtësit e bagazheve në aeroportin kryesor të Stambollit.

Mediat sociale kanë shfaqur pamjet kur disajneri është goditur nga punëtorët e aeroportit, transmeton arbresh.info.

Sansalit i është mbyllur llogaria në rrjetet sociale pasi ai bënte thirrje që njerëzit të vazhdojnë të festojnë Vitin e Ri ‘edhe pse në vend ka pandershmëri, poshtëri dhe varfërim’.

Ai këto komente i ka bërë menjëherë pas sulmit të armatosur në një klub nate në Stamboll, ku mbetën të vrarë 39 persona.

Disajneri i modës ishte një zë kritik ndaj partisë qeveritare në pushtet dhe përmes mediave sociale ai ka protestuar disa herë për gazetarët e burgosur dhe korrupsionin në vend.

Në Turqi vazhdojnë të qëndrojnë të burgosur të paktën 81 gazetarë./Arbresh.info