Hillary Clinton dështoi të zgjidhje presidente e Amerikës duke humbur turpshëm përballë Donald Trump.

Presidenti Obama e akuzoi indirekt duke thënë se demokratët nuk takuan njerëzit në terren dhe nuk e kuptuan si duhet situatën.

Pas kësaj vërejtje të Obamës, vjen së fundmi edhe një reagim nga zv/presidenti Joe Biden.

Ai ka dhënë sot një intervistë për Los Angeles Times.

“Mendoj se Hillary Clinton nuk e kuptoi përse po garonte. Madje mendoj se për të ka qenë shumë e vështirë vendimi për të garuar”, tha Biden.

Biden tha se Clinton u ndje sikur po detyrohej të garonte për president dhe basti në lojë ishte shumë i madh, duke e stimuluar të merrte pjesë.

“Ajo mendoi se nuk kishte zgjedhje tjetër përveçse të garonte. Mund të ishte e para femër që do të zgjidhej presidente dhe qe një angazhim i madh për të”, tha Biden.

Por kësaj ai i shtoi edhe një sulm direkt pa doreza.

“Clinton realisht nuk e kishte idenë përse po garonte. Ajo nuk arriti kurrë të krijonte një lidhje me votuesit dhe hallet e tyre të përditshme. Kjo padyshim i shkaktoi humbjen”, përfundoi Biden.