Gjithnjë e më shumë refugjatë myslimanë të vendosur në Gjermani janë duke u konvertuar në të krishterë, bëjnë të ditur kishat.

Sipas një video të shfaqur në mediat gjermane, tre myslimanë janë pagëzuar në Kishën Evangelical-Freikirchlichen Gemeinde në Berlin, transmeton arbresh.info.

Prifti Matthias Linke i ka pyetur ata “nëse besojnë nga thellësia e zemrës se Jezu Krishti është Zoti dhe Shpëtimtari ynë dhe a do ta ndiqni atë në atë çdo ditë të jetës tuaj?”

Që të tre refugjatët i janë përgjigjur ‘po’ në gjuhën gjermane.

Prifti Linke ka theksuar se shumë nga refugjatët që ndodhen në Gjermani mendojnë ‘se këtu e kanë lirinë të zgjedhin fenë që duan’.

“Unë kam pagëzuar shumë iranianë”, ka shtuar ai, duke thënë se Krishterizmi është feja e lirisë.

Një tjetër prift katolik në Speyer ka shtuar se shumë nga refugjatët që ai i ka pagëzuar janë nga Irani, Afganistani, Siria dhe Eritrea.

Adel, një refugjat 25-vjeçar irakian, tha se ai kishte frikë nga reagimi i refugjatëve tjerë myslimanë dhe se vllau i tij u përpoq që të ndalonte atë të fliste me miqtë e tij të krishterë. Por ai ka shtuar se ndjehet i lumtur për zgjedhjen që ka bërë.

Megjithatë, ekziston frika se disa nga të konvertuarit mund të motivohen nga besimi për të fituar më lehtë azilin në Gjermani, transmeton arbresh.info.

Militantët e Shtetit Islamik kanë vrarë shumë të krishterë në Irak dhe Siri. Pothujase 900 mijë azilkërkues kanë arritur në Gjermani gjatë vitit të kaluar, kryesisht nga Siria , Iraku dhe Afganistani.

Refugjatëve të larguar nga vendet e luftës kancelarja gjermane Angela Merkel u është përgjigjur me politikën e saj me dyert të hapura, megjithatë sipas sondazheve të fundit gjermanët mendojnë se refugjatët janë problemi më i madh me të cilin ballafaqohet vendi i tyre./Arbresh.info