Sipas shkencëtarëve, një gjysme ore ushtrime fizike për tri herë në javë mund të rrisë volumin e spermës së shëndetshme.

Burrat që merren me vrapim dhe not kanë spermë më të shëndetshme, thotë studimi i publikuar në revistën ‘Riprodhimi’, transmeton arbresh.info.

Megjithatë, shkencëtarët kanë theksuar se volume fillon të bie nëse brenda një muaji zvogëlohet rutina e ushtrimeve fizike.  Ekspertët thonë se është e rëndësishmë të mbahet një ekuilibër gjatë ushtrimeve fizike, sepse sipas tyre ushtrimet e shumta mund të dëmtojnë prodhimin e spermës.

Studimet kanë treguar se pjesëmarrja në sporte konkurruese, si çiklizm, mund të ulë cilësinë e spermës.

261 burrat që kishin marrë pjesë në anketim kanë qenë të shëndetshëm dhe nuk kanë pasur probleme me fertilitet. Ata janë ndarë në katër grupe gjatë hulumtimet:

1. Burrat që nuk janë stërvitur
2. Ushtrime me intesitet të lartë për tri herë në jave
3. Ushtrime të moderuara për tri seanca në javë ( 30 minuta)
4. Ushtrime intensive për tri herë në javë ( rreth një ore)

Ushtrimet e lehta janë shfaqur më të volitshme në rritjen e sasisë së spermës, ndërsa afër qëndron edhe ushtrimi i moderuar. Burrat që janë stërvitur për humbje në peshë nuk kanë treguar rezultat. Hulumtuesit thonë se të paktën një pjesë e përfitimit mund të vijë edhe nga heqja e peshës së tepërt, mëqë gjatë stërvitjeve  largohet yndyra e trupit.

Ekspertët tashmë e kanë bërë të njohur se obeziteti mund të zvogëlojë fertilitetin. Në studimin e lartë përmendur një e treta e njerëzve në çdo grup studimi  ishin obezë. /Arbresh.info