Bashkatdhetarët tanë që jetojnë në Zvicër do të mblidhen nesër për të përkujtuar aktivistin e ndjerë të Lëvizjes Vetëvendosje, Astrit Dehari, i cili vdiq para dy javësh në rrethana ende të paqarta.

Përmes një njoftimi, bashkatdhetarët kanë bërë të ditur se nesër do të tubohen për të diskutuar për jetën dhe veprën e të ndjerit Dehari.

“Nesër, më 20 nëntor 2016, në Ostermundigen, afër Bernit mbahet tubim me bashkatdhetarë për Astrit Deharin. Në tubim do të flitet për jetën dhe veprën e Astritit si dhe do të kërkohet drejtësi për vdekjen e tij në Burgun e Prizrenit. Në tubim pritet të marrin pjesë bashkatdhetarë nga Berni me rrethinë dhe qytetet tjera të Zvicrës, për t’a nderuar me respekt veprën atdhetare të Astrit Deharit. Do të jetë i pranishëm edhe Sami Kurteshi nga Kosova si dhe përfaqësues të klubeve e shoqatave që veprojnë në Zvicër”, thuhet në njoftim.