“Tërheqja e AAK-së nga Kuvendi mendoj që është pak e ngutshme, pasi nuk ka një agjendë përpara të shkruar, nuk ka pasur arsye të tërhiqej”, ka thënë Petrit Zogaj, drejtues i Lëvizjes FOL, në Info Magazine.

Por, Zogaj deklaroi se megjithatë, Opozita ashtu sic ka thënë, është e bashkuar në dy çështjet kryesore – Asociacionin dhe Demarkacionin – dhe betejën politike e ka fituar.

“Opozita e ka pasur një deklaratë diku nga shtatori ku ka thënë në dy çështje do të jemi bashkë. Nuk është e vërtet që opozita i ka humbur të gjitha betejat, opozita e ka fituar një betejë një proces gjyqësor në Gjykatën Kushtetuese për Asociacionin”.

“Opozita e ka fituar betejën politike, opozita nuk nënshkruan as marrëveshje, as dekrete politike nuk është në domenin e saj, opozita e ka bërë kundërshtimin e tij”, ka thënë Zogaj.

Sipas Zogajt, përcjellës i ngjarjeve politike në Kosovë, “qëllimi i Haradinajt është ta thellojë krizën dhe potencialisht të arrij ndonjë rezultat, por tërheqja e vetme e AAK-së nuk mund ta bëjë këtë”.