Kryeministri i Shqipërisë, Edi Rama, ka reaguar në rrjetin social X ndaj një deklarate të zëdhënësit të Iranit lidhur me protestat kundër projektit në zonën e Zvërnecit.

Në reagimin e tij, Rama ka akuzuar Teheranin për ndërhyrje dhe përhapje dezinformimi, duke thënë se “qeveria e ajatollahëve” është përfshirë në mënyrë të drejtpërdrejtë në debatet rreth projektit, të cilat sipas tij po keqpërdoren politikisht.

Ai thekson se, ndonëse një pjesë e protestuesve vijon të ketë shqetësime mjedisore, çështja është përdorur edhe nga aktorë të ndryshëm për qëllime politike dhe jo vetëm për mbrojtjen e mjedisit.

Rama shton se Shqipëria nuk duhet të kthehet në “arenë për përplasje ndërkombëtare”, duke paralajmëruar se dezinformimi dhe perceptimet negative mund të dëmtojnë investimet e huaja dhe zhvillimin ekonomik të vendit.

Sipas tij, krijimi i një imazhi negativ për Shqipërinë mund të ndikojë në uljen e interesit të investitorëve dhe në zhvillimin e sektorit të turizmit.

Reagimi i kryeministrit vjen në vazhdën e debatit publik për projektin në Zvërnec dhe protestat që e shoqërojnë atë, të cilat vazhdojnë të jenë në qendër të vëmendjes./Arbresh.info

Ja edhe qeveria e ajatallohëve të Teheranit i bashkohet zyrtarisht protestës, madje edhe me parrullat në shqip njësoj si ata që e kthyen nga protestë mjedisore në protestë për rrëzimin e qeverisë!

Bashkëngjitur replika ime edhe në emrin e atyre protestuesve që janë akoma aty… https://t.co/v35elkH66Z

— Edi Rama (@ediramaal) June 10, 2026