Kryeministri izraelit Benjamin Netanyahu nuk do të ketë zgjidhje tjetër veçse të pranojë çdo marrëveshje që Shtetet e Bashkuara negociojnë me Iranin, tha presidenti amerikan Donald Trump në një intervistë me Financial Times, duke vënë në dukje se ai “merr vendime”.

“Ai nuk do të ketë zgjidhje tjetër”, citohet të ketë thënë Trump, raporton Reuters.

Izraeli sulmoi dje një periferi të Bejrutit për herë të parë që kur Shtetet e Bashkuara njoftuan një plan paqeje për Libanin javën e kaluar, dhe Irani më vonë qëlloi me raketa objektivat izraelite, duke rrezikuar bisedimet për t’i dhënë fund luftës në një shkallë më të gjerë.

Irani ka thënë më parë se çdo marrëveshje paqeje me SHBA-në do të varet nga një armëpushim në fuqi në Liban, të cilin Izraeli e pushtoi në mars në kërkim të luftëtarëve pro-iranianë të Hezbollahut, të cilët filluan të qëllonin përtej kufirit në Izrael në shenjë solidariteti me Teheranin.

Garda Revolucionare e Iranit tha se sulmet e tyre ndaj Izraelit të dielën në mbrëmje ishin një “paralajmërim” për një përgjigje më të gjerë që do të përfshinte të gjitha objektivat amerikane dhe izraelite në rajon nëse “agresionet” përsëriten./rtk