Presidenti amerikan Donald Trump ka deklaruar se negociatat me Iranin për uljen e tensioneve dhe përpjekjet për t’i dhënë fund konfliktit aktual po kërkojnë kohë, duke theksuar se një zgjidhje e shpejtë nuk është e mundur.

Në një intervistë për emisionin “Meet the Press” të NBC News, Trump tha se udhëheqësit iranianë janë “të fortë” dhe “krenarë”, por sipas tij, në fund do të detyrohen të arrijnë një marrëveshje me Shtetet e Bashkuara.

“Ata nuk kanë zgjidhje tjetër dhe u duhet pak kohë,” u shpreh ai, duke shtuar se proceset diplomatike të këtij niveli nuk mund të përshpejtohen.

Trump e krahasoi situatën me Luftën e Vietnamit, duke thënë se ajo kishte zgjatur për vite të tëra, ndërsa theksoi se edhe përplasjet me Iranin kërkojnë kohë për t’u zgjidhur.

Ai kritikoi gjithashtu thirrjet për arritjen e një marrëveshjeje të menjëhershme, duke theksuar se konfliktet ndërkombëtare shpesh zgjasin gjatë dhe se SHBA dhe Irani kanë një histori të gjatë tensionesh./Arbresh.info