Tre persona janë lënduar si pasojë e një përleshjeje që ka ndodhur sot rreth orës 14:40 në rrugën “Lidhja e Prizrenit” në Istog, afër Stacionit të Autobusëve.

Njëri nga të lënduarit dyshohet se plagët i ka marrë nga mjeti i mprehtë dhe si rezultat i lëndimeve më serioze është nisur për në QKUK.

Rreth gjendjes shëndetësore të tij, detaje ka dhënë drejtori i Qendrës Emergjente, Naser Syla.

Syla tha se pacienti është transferuar në sallë operative, ku do të intervenojnë ekipet përkatëse.

“Një pacient i sjellur nga spitali i pejës, me plagë therëse, gjendje e rëndë.dhe jo stabile, pacienti i lidhur në aparat respirator i intubuar, në QE jonë kryer ekzaminimët e nevojshme, pacienti është transferuar në sallën operative të QE dhe është duke u intervenuar nga ekipet e K torakale, k abdominale, ORL dhe anestezionit, politraumë e rëndë dhe gjendje e rëndë, pas intervenimit do të transferohët në MIQ për trajtim të me tutjeshëm”