Të enjten e të premten në Helsinborg të Suedisë, mblidhen shefet e shefat e diplomacisë së 32 shteteve anëtare të NATO-s.

Si para paraqitje për samitin në shtetin suedez të mërkurën në Bruksel, doli para gazetarëve kreu i Aleancës Veri-Atlantike, Mark Rutte.

Derisa foli për vizionin e veprimet për të ardhmen, mes tjerash, sekretari i përgjithshëm u deklarua rreth jetësimit të Planit për Investime të Mbrojtjes së Aleancës që u pajtua në Samitin e Hagës vitin e kaluar e do kristalizohet edhe më shumë në Samitin e Madh të Ankarasë, pas një muaji.

U deklarua edhe për mundësinë e reduktimit gradual të trupave amerikane në Evropë, që sipas tij, është proces që do ndodh në mënyrë të strukturuar e që nuk do ndikojë në planet mbrojtëse të NATO-s.

Ndërkohë, të martën Rutte ishte pjesëmarrës në një takim të madh të Komitetit Ushtarak të NATO-s, në kuadër të një takimi të Shefave të Mbrojtjes së vendeve anëtare.

Komandanti Suprem i Forcave Aleate në Evropë, gjenerali amerikan Alexius Grynkewich, foli mes të tjerash edhe për Misionin Paqeruajtës të NATO-s në Kosovë, KFOR, në të cilin e përshkroi se ka përparim të vërtetë me misionin ushtarak, duke krijuar mundësi sipas tij në hapësirën politike.