Ish-presidenti i Kosovës, Behgjet Pacolli, ka reaguar pas incidentit në aeroportin e Splitit, ku një aeroplan i kompanisë kroate doli nga pista dhe goditi një tabelë.

Ai tha se publikimi i pamjeve në llogarinë e tij nuk është i rastësishëm, por sipas Pacollit “ka karakter konstruktiv dhe paralajmërues, sidomos në kohën kur po ndërtohen pista të reja, përfshirë atë të aeroportit të Vlorës”.

Ish-presidenti theksoi se siguria në aviacion varet nga respektimi strikt i standardeve ndërkombëtare gjatë ndërtimit dhe mirëmbajtjes së pistave të aterrimit dhe ngritjes.

Sipas Pacollit, çdo neglizhencë apo devijim nga këto standarde mund të sjellë pasoja fatale dhe të rrezikojë jetën e pasagjerëve dhe ekuipazhit.

“Një nga elementet më kyçe është respektimi strikt i standardeve ndërkombëtare gjat ndërtimin dhe mirëmbajtjes se pistave të aterrimit dhe ngritjes. Çdo neglizhencë apo devijim nga këto standarde mund të sjellë pasoja fatale dhe të rrezikojë drejtpërdrejt jetën e pasagjerëve dhe ekuipazhit. Pra novoitet ZERO tolerance!”, ka shkruar Pacolli./Arbresh.info

LEXO EDHE:

Aeroplani i kompanisë kroate del nga pista në Split dhe godet një tabelë, brenda ishin 130 pasagjerë