Pas eliminimit shokues të Italisë nga Bosnja në finalen e play-offit të Kupës së Botës, në qendër të vëmendjes është historia e fshehtë e serisë dramatike të penalltive, ku protagonist u bë edhe një mbledhës topash 14-vjeçar.

Bëhet fjalë për Afan Cizmic, i cili me një veprim të thjeshtë, por shumë të zgjuar, ndikoi në rrjedhën e penalltive. I riu iu afrua letrës me shënime që kishte portieri Gianluigi Donnarumma dhe e largoi atë nga zona.

Ky veprim e çorientoi portierin italian, i cili nuk arriti të ndihmojë skuadrën e tij drejt kualifikimit, pavarësisht se në disa raste ishte pranë pritjes së goditjeve.

Pas ndeshjes, televizioni boshnjak Face TV ka kontaktuar me të riun për një intervistë, duke i bërë edhe një ofertë speciale – ta dërgojë në Kupën e Botës si shpërblim për veprimin e tij.

 

View this post on Instagram

 

A post shared by FACE TV (@facetv)

Në rrëfimin e tij, Cizmic tregoi se gjithçka ndodhi që në penalltinë e parë.

“Ishte një letër ku tregohej me cilën këmbë godasin lojtarët dhe si i ekzekutojnë penalltitë – nëse shkojnë majtas, djathtas apo presin portierin”, shpjegoi ai.

Sapo e mori dokumentin, ai u largua nga zona, por jo pa parë reagimin e Donnarummës.

“Ai shikonte kudo, madje fajësoi edhe sigurimin. Ishte i zemëruar dhe i zhgënjyer”, tregoi 14-vjeçari.

Edhe pse letra konsiderohet një “thesar” futbolli, Cizmic ka vendosur të bëjë një gjest human.

“Kur shkova në shtëpi, ia tregova babait tim. Vendosëm ta nxjerrim në ankand dhe të gjitha paratë t’i dhurojmë për bamirësi”, tha ai.

Tashmë mbetet për t’u parë nëse i riu do të pranojë ofertën për të udhëtuar në Botëror, por gjithçka tregon se ai mund të jetë pjesë e aventurës historike të Bosnia and Herzegovina national football team në këtë kompeticion madhor./Arbresh.info