Klubi londinez Chelsea ka bërë të ditura rezultatet e fundit financiare, duke konfirmuar humbje para tatimit në vlerë prej 262.4 milionë paundësh (rreth 300 milionë euro).

Kjo shifër përbën një rekord historik negativ në epokën e Premier League, duke e renditur Chelsean në mesin e klubeve me humbjet më të mëdha financiare në futbollin anglez.

Sipas njoftimit zyrtar të klubit të bërë këtë të mërkurë, këto humbje lidhen kryesisht me investimet e mëdha në merkato, pagat e larta të lojtarëve dhe ndryshimet strukturore në klub gjatë viteve të fundit.

Megjithatë, drejtuesit e klubit kanë theksuar se po punojnë për stabilizimin financiar dhe përputhjen me rregullat e “fair-play”-it financiar në sezonet e ardhshme.

Situata mbetet shqetësuese për tifozët, ndërsa mbetet të shihet nëse rezultatet sportive do të justifikojnë këto investime të mëdha./Arbresh.info