Rama pret përfaqësueset e Institutit për Krimet e Luftës, diskutojnë aktivitetet përkujtimore të prillit dhe qershorit

21:02 | 30 Mars 2026
E.H

Kryetari i Prishtinës, Përparim Rama ka pritur sot në takim përfaqësueset e Institutit për Krimet e Kryera gjatë Luftës në Kosovë.

Me anë të një postimi në Facebook, Rama theksoi se në takim u diskutua për aktivitetet përkujtimore që do të zhvillohen në muajt prill dhe qershor.

“Këto iniciativa, që sjellin dëshmi konkrete mbi ngjarjet e luftës dhe vuajtjet e qytetarëve, janë të një rëndësie të veçantë për edukimin dhe ndërgjegjësimin e brezave të rinj. Dokumentimi i saktë i masakrave, përmes dëshmive, fotografive dhe fakteve të verifikuara, është thelbësor për ruajtjen e së vërtetës dhe kujtesës sonë kolektive. Kryeqyteti do të vazhdojë të mbështesë gjithmonë iniciativa të tilla, në shërbim të së vërtetës, kujtesës dhe nderimit të sakrificës sonë kolektive”, ka shkruar Rama./Arbresh.info