Shtetet e Bashkuara i kanë paraqitur Iranit një plan me 15 pika që synon përfundimin e luftës. Sipas Associated Press, duke cituar dy zyrtarë pakistanezë, plani përfshin masa konkrete si heqja e sanksioneve ndaj Iranit, zhvillimi i bashkëpunimit në energjinë bërthamore civile dhe kufizimi i programit bërthamor të Teheranit.

Po ashtu, ai parashikon mbikëqyrje nga Agjencia Ndërkombëtare e Energjisë Atomike dhe garantimin e qarkullimit detar përmes Ngushticës së Hormuzit.

Zyrtarët pakistanezë, që folën në kushte anonimiteti, theksuan se këto propozime synojnë uljen e tensioneve dhe hapjen e rrugës për një marrëveshje më të gjerë.

Megjithatë, Irani ka mohuar të jetë i përfshirë në negociata me SHBA-në, duke shtuar pasigurinë mbi mundësinë e zbatimit të këtij plani.