Papa Leo XIV shprehu shqetësim në lidhje me armiqësinë në rritje gjatë përshkallëzimit të luftës në Iran, duke përsëritur thirrjet për një armëpushim.

Papa i parë amerikan u ankua se “urrejtja po rritet dhe dhuna po përkeqësohet gjithnjë e më shumë”.

Shtetet e Bashkuara planifikojnë të dërgojnë mijëra trupa në Lindjen e Mesme.

“Dua të ripërtërij thirrjen time për një armëpushim. Ne duhet të punojmë për paqen, jo me armë, por me dialog”, u tha ai gazetarëve ndërsa po largohej nga rezidenca e tij në Castel Gandolfo, Itali.

Ai shtoi se më shumë se një milion njerëz janë zhvendosur dhe shumë kanë vdekur.

“U bëj thirrje të gjitha palëve të bashkëpunojnë vërtet përmes dialogut për të zgjidhur problemet”, tha ai.

Leo XIV , i njohur për zgjedhjen e tij të kujdesshme të fjalëve, ka shtuar thirrjet për një armëpushim ditët e fundit. Të dielën, ai tha se konflikti ishte “një skandal për të gjithë njerëzimin”.