Rruga drejt Malit të Zi mbyllet për kamionë, qarkullimi për udhëtarët vazhdon

10:03 | 18 Shkurt 2026
E.K

Qendra Kombëtare për Menaxhim Kufitar ka njoftuar se rruga drejt Malit të Zi mbetet e mbyllur për kamionë, për shkak të gjendjes së rrugës në pjesën e këtij vendi.

Sipas njoftimit, qarkullimi për automjetet e udhëtarëve është i hapur, duke u zhvilluar me pajisje dimërore. Ekipet për mirëmbajtjen e rrugës janë në terren dhe pritet që rruga të hapet edhe për kamionë sapo kushtet të përmirësohen.

“Ju njoftojmë se bazuar në komunikimin me zyrtarët kufitar nga Mali i Zi dhe informacionet e marra, rruga mbetet e mbyllur për kamionë për shkak të gjendjes së rrugës në anën e tyre, ndërsa për automjetet e udhëtarëve është e hapur dhe qarkullimi zhvillohet me pajisje dimërore. Ekipet për mirëmbajtjen e rrugës janë në terren dhe pritet që rruga të hapet edhe për kamionë.Pjesa e rrugës që mirëmbahet nga ana jonë është e kalueshme dhe pa probleme”, thuhet në njoftim./Arbresh.info