Kapiteni i kombëtares së Kosovës, Amir Rrahmani ka pësuar dëmtim mbrëmë në ndeshjen derbi të javës mes Napolit dhe Romës.

Ai u largua nga loja në minutën e 71-të, teksa vendin e tij e zuri Alisson Santos, shkruan Arbresh.info.

Ndeshja u mbyll 2-2. Pas ndeshjes trajneri, Antonio Conte foli rreth lëndimit të mbrojtësit të Napolit.

“Nuk e di në çfarë gjendjeje është Rrahmani. Do të gjejmë një zgjidhje, sepse nëse merremi gjithmonë me dëmtimet, bëhet e tepërt. Ne po fokusohemi te lojtarët që kemi në dispozicion dhe tek ata që do t’i kemi. Nuk e di nëse do të jetë gati për ndeshjen ndaj Atalantas. Nëse do të jetë i gatshëm do të jemi të lumtur, nëse jo, do të gjejmë zgjidhje të tjera”, u shpreh italiani Conte pas ndeshjes për “DAZN”.

Rrahmani u rikthye nga lëndimi në fillim të muajit shkurt./Arbresh.info