Roberto De Zerbi nuk do të jetë më trajner i gjigantit francez, Olimpique Marseille.

Lajmin e ka bërë të ditur vetë skuadra përmes një postimi në rrjetet sociale të klubit, shkruan Arbresh.info.

Vendimi është marrë pas bisedimeve dhe reflektimeve të drejtpërdrejta mes palëve.

Nuk ka pasur probleme mes De Zerbit, drejtuesve të klubit apo lojtarëve.

Trajneri italian ka besuar se kjo ishte zgjidhja më e mirë për skuadrën, ndaj klubi ka rënë dakord me këtë vendim.

“Olympique de Marseille dhe Roberto De Zerbi, trajneri i ekipit të parë, kanë njoftuar përfundimin e bashkëpunimit të tyre me marrëveshje të dyanshme”.

“Pas diskutimeve midis të gjithë palëve të interesuara në menaxhimin e klubit – pronarit, presidentit, drejtorit të futbollit dhe trajnerit – u vendos të bëhej një ndryshim në krye të ekipit të parë.”

“Ky ishte një vendim i vështirë kolektiv, i marrë pas një shqyrtimi të kujdesshëm në interesin më të mirë të klubit, me qëllim që t’i përgjigjej sfidave sportive të fundit të sezonit.”

“Olympique de Marseille dëshiron të falënderojë Roberto De Zerbi për përkushtimin, angazhimin, profesionalizmin dhe seriozitetin e tij, të cilat ishin veçanërisht të dukshme ku klubi përfundoi në vendin e dytë në sezonin 2024/25.”

“Klubi i uron gjithë të mirat për pjesën tjetër të karrierës së tij”, shkruhet në njoftimin e klubit francez./Arbresh.info