Jose Mourinho ka reaguar me ironi ndaj spekulimeve që e lidhin me një rikthim të mundshëm te Real Madridi.

Në një deklaratë për Sport TV, trajneri portugez theksoi se nuk u kushton rëndësi zërave dhe thashethemeve që qarkullojnë vazhdimisht në media, duke nënvizuar se ato janë pjesë e “telenovelave” të futbollit modern.

“Mos ma përmendni emrin për telenovela. Ka telenovela të mira, por janë shumë të gjata; nëse humb një ose dy episode, humbet fillin. Mos më bëni mua, sepse unë nuk i shikoj telenovelat”, u shpreh Mourinho, duke lënë të kuptohet se fokusi i tij mbetet larg spekulimeve dhe më pranë punës konkrete.

Me këtë reagim, “Special One” bëri të qartë se nuk ndikohet nga zërat për një rikthim të mundshëm në stolin e “Los Blancos”, duke preferuar të qëndrojë i përqendruar te angazhimet e tij aktuale.

Real Madridi është në krizë, pavarësisht fitores së djeshme ndaj Levantes 2-0. Ata u eliminuan nga Albacate të mërkurën në Copa del Rey.

Si dhe të dielën e kaluar, u mposhtën në Superkupën e Spanjës, kjo humbje i kushtoi me largim trajnerit Xabi Alonso, derisa timonin e Real Madridit e ka marrë Alvaro Arbeloa./Arbresh.info