Situata me vërshimet/ Pas Malishevës, edhe Juniku shpall gjendje të jashtëzakonshme

17:49 | 6 Janar 2026
E.H

Edhe Komuna e Junikut ka shpallur gjendje të jashtëzakonshme pas situatës së krijuar me vërshimet si pasoj e reshjeve të shiut.

Në njoftimin e komunës thuhet se për shkak të situatës së krijuar gjysëmvjetori i dytë i vitit shkollor është shtyrë deri më 12.01.2026, shkruan Arbresh.info.

Njoftimi i plotë:

Njoftim për qytetarët

Për shkak të kushteve të vështira klimatike, reshjeve të shumta dhe vërshimeve në Komunën e Junikut, Komuna e Junikut ka shpallur gjendje të jashtëzakonshme dhe ka formuar shtabin emergjent.

Në këtë kuadër, fillimi i gjysmëvjetorit të dytë të vitit shkollor 2025/2026 shtyhet deri më 12.01.2026.

I lusim qytetarët për kujdes të shtuar dhe të ndjekin njoftimet zyrtare.

Ditët e humbura të mësimit do të kompensohen./Arbresh.info