Aleanca për Ardhmërinë e Kosovës (AAK) mbajti sot tubimin përmbyllës të fushatës elektorale, ku kryetari i partisë, Ramush Haradinaj, prezantoi prioritetet e programit ekonomik dhe politik të partisë.

Haradinaj premtoi dyfishim të pagave, pensioneve dhe shtesave për qytetarët, duke theksuar nevojën për përballimin e rritjes së çmimeve në energji dhe shërbime.

Ai akuzoi atë që e quajti “mafi energjetike” për ndikimin në ekonominë vendore dhe rritjen e çmimeve.

Ai gjithashtu theksoi rëndësinë e anëtarësimit të Kosovës në NATO, duke e cilësuar si hap kyç për stabilitetin, sigurinë dhe tërheqjen e investimeve. Haradinaj shtoi se ndryshimi i qasjes politike dhe ekonomike është i nevojshëm për uljen e çmimeve dhe përmirësimin e mirëqenies së qytetarëve./Arbresh.info