Policia kryen bastisje në Skenderaj, sekuestron tri armë dhe 76 fishek – një i arrestuar

08:30 | 17 Dhjetor 2025
E.H

Policia e Kosovës njofton se ka arrestuar një person në Skenderaj i cili dyshohet se ka shtënë me armë zjarri mbrëmjen e së martës.

Në njoftim thuhet se janë kryer bastisje ku janë gjetur dhe sekuestruar dy armë të gjata, një pistoletë, si dhe 76 fishekë të kalibrave të ndryshëm, shkruan Arbresh.info

“Lidhur me rastin, është arrestuar një person i dyshuar, i cili dyshohet se në orët e mbrëmjes së datës 16 dhjetor 2025 ka shtënë me armë zjarri në Skenderaj. Me aktvendim të Prokurorit kompetent, të dyshuarit i është caktuar masa e ndalimit për 48 orë. Ndaj tij është iniciuar rast për veprat penale “Përdorim i armës” dhe “Mbajtje në pronësi, kontroll ose posedim i paautorizuar i armës””, thuhet në njoftim./Arbresh.info