Drejtoria e Komunale e Arsimit në Komunën Prishtinës, në bashkëpunim me UNDP, ka organizuar garën për esenë më të mirë në temën “Çka është korrupsioni?”, për të vlerësuar vetëdijesimin e nxënësve të shkollave të mesme të Prishtinës, lidhur me korrupsionin.

Qëllimi i esesë ka qenë që të inkurajojë nxënësit e shkollave të mesme, që të shprehin përmes esesë perceptimin e tyre mbi korrupsionin.

Konkursi ka qenë i hapur nga 06 nëntor deri më 20 nëntor, ku kanë konkurruar të gjitha shkollat e mesme.

Secila shkollë ka pasur mundësi të konkurrojë me tre ese, të cilat pastaj janë vlerësuar nga paneli vlerësues i përbërë nga: DKA, Agron Gashi mësimdhënës dhe Rrezearta Reka, zyrtare e Projektit SAEK të UNDP-së.

Pas dorëzimit të eseve në Drejtorinë për Arsim, paneli është mbledhur dhe brenda tre ditë ka vlerësuar tre esetë më të mira, më 8 dhjetor, 2015.

Nga ky proces vlerësimi ku kanë konkurruar të gjitha shkollat e mesme të larta të Komunës së Prishtinës janë përzgjedhur tre shkollat fituese ato janë: SHML “Eqrem Çabej”, vendi i parë Dafina Gjikolli; SHML “Sami Frashëri”, vendi i dytë, Sara Abrashi dhe Shkolla SHML “28 Nëntori”, vendi i tretë Shqiponjë Emërllahu.

Shpërblimi për tre esetë më të mira, ishte instalimi i këndit antikorrupsion në tri shkollat fituese. Ky kënd antikorrupsion do të përfshijë: tavolinën me kompjuter, rafte të librave si dhe materiale me praktika të mira të përfshirjes së rinisë në aktivitete anti-korrupsion.