“Nuk keni sjellë asgjë të mirë as për serbët, as për shqiptarët” – Lista Serbe paralajmëron votë kundër Konjufcës

15:33 | 19 Nëntor 2025
E.K

Lista Serbe ka bërë të ditur se do të votojë kundër qeverisë së propozuar nga mandatari Glauk Konjufca.

Deputeti i Listës Serbe, Igor Simiq, tha se Albin Kurti dhe ministrat e tij do të mbahen mend për përpjekjen e tyre për të ruajtur postet “me çdo çmim”.

“Herën e kaluar kemi dhënë qëndrim të qartë, dhe po e shohim se është përralla e njëjtë. Keni sjellë qindra vendime kundër popullit serb. Nuk u keni sjellë asgjë të mirë as shqiptarëve, boshnjakëve , egjiptianëve dhe asnjë komuniteti tjetër. Do të mbaheni mend për shkeljen e të gjitha rregulloreve dhe për dëshirën e tmerrshme që me çdo çmim ta ruani karrigen tuaj. Në zgjedhje do të shihni se çfarë përgjigje do të japë populli për këto veprime të juaja”, tha Simiq.