Shefja e GP të VV, Mimoza Kusari -Lila ka kritikuar deputetët opozitar të cilët nuk kanë pranuar të marrin pjesë në seancën e jashtëzakonshme të thirrur për miratimin e buxhetit 2026.

Në foltoren e Kuvendit, Kusari-Lila tha se deputetët kanë përgjegjësi dhe duhet ta ushtrojë detyrën e tyre, raporton Arbresh.info.

“Rrethanat në të cilat gjendet Kuvendi janë rrethana që kanë paparshikueshmëri. E rëndësishme është që të marrim përgjegjësi për detyrën e deputetit që e kemi dhe ta ushtrojmë atë detyrë. Më e lehta është që të abstenohet ose mos të vihet fare siç kanë bërë sot deputetët. Ajo nuk i arsyeton as nuk i heq përgjegjësinë që e kanë për krijimin e komisioneve parlamentare. Komisionet parlamentare nuk bëhen me formimin e qeverisë por me grupet parlamentare. Fondet buxhetore humbin në muajin dhjetor nëse nuk miratohen, nuk mund të kthehen edhe nëse zgjedhjet mbahen. Humbet mundësia e investimeve të drejtpërdrejta”, tha Kusari Lila./Arbresh.info