Kryediplomati gjerman, Johann Wadephul, pas takimit me presidenten Vjosa Osmani, ka mbajtur një konferencë për media ku ka theksuar rëndësinë e zgjerimit të Bashkimit Evropian, duke e cilësuar atë si “një urgjencë gjeopolitike”.

Wadephul ka deklaruar se procesi i zgjerimit të BE-së ka hyrë në një fazë të re dhe më të favorshme, ndërsa ka vlerësuar zhvillimet në Kosovë që nga përfundimi i luftës e deri te shpallja e pavarësisë.

“Zgjerimi i BE’së është një urgjencë gjeopolitike. Për herë të parë prej shumë vitesh ka një perspektivë realiste. Zhvillimi i Kosovës që nga përfundimi i luftës dhe nga pavarësia është një histori e vërtetë suksesi. Për shumëkënd në rajon, Kosova është simbol i demokracisë dhe i një shoqërie të fortë civile, në mënyrë që ky sukses të vazhdojë, Kosovës i duhet që sa më shpejtë të ketë një qeveri të aftë për veprim si nga brenda ashtu edhe nga jashtë”, ka thënë ai.