Rreth 600 kilogramë djathë, si dhe veshmbathje tekstili dhe medikamente me vlerë rreth 7,000 euro, u sekuestruan dje nga Njësitet Antikontrabandë të Doganës së Kosovës në fshatin Junake të  Zubin Potokut.

Mallrat po transportoheshin me një automjet që kishte hyrë në territorin e Republikës së Kosovës përmes vijës së gjelbër (rrugëve të paautorizuara).

“Gjatë kontrollit të automjetit është konstatuar se transportoheshin rreth 600 kg djathë, veshmbatje tekstili dhe medikamente, me vlerë të përafërt rreth 7,000 euro. Malli është sekuestruar dhe procedurat ligjore janë iniciuar sipas kompetencave të Doganës së Kosovës. Rasti po trajtohet në koordinim me organet hetimore për të përcaktuar të gjitha rrethanat dhe përgjegjësitë e mundshme. Dogana e Kosovës mbetet e përkushtuar në parandalimin e kontrabandës dhe mbrojtjen e tregut të ligjshëm përmes veprimeve të koordinuara me institucionet e sigurisë”, thuhet në njoftim./Arbresh.info