Kombëtarja e Kosovës mban konferencën e fundit për media para sfidës me Zvicrën.

Së bashku me selektorin Franco Foda, i pranishëm është edhe mbrojtësi dardan, Albian Hajdari, shkruan Arbresh.info.

“Në teori është gjithçka e mundur por pak a shumë është e vështirë, të arrihet 6-0 ndaj Zvicrës”, tha Foda sa i përket gjasave për kualifikim.

Ai tregoi nëse do të ketë ndonjë rotacion në skuadër.

“Për neve është me rëndësi të paraqitemi mirë, mund të ndodh edhe ndonjë ndryshim nga ndeshja e fundit, sot kemi zhvilluar edhe seancën e fundit stërvitore”.
Tutje u ndal të flas edhe për Zhegrovën.

“Ndeshjen e fundit kemi luajtur një sistem ndryshe 5-3-2, nesër është sfidë tjetër e dijmë se Zhegrova është shumë i rëndësishëm dhe do e shohim nëse do na nevojitet ai për sfidën e nesërme”.

Foda u pyet nëse kanë festuar për arritjen historike në play-off.

“Momentalisht nuk kemi kohë të festojmë para nesh është sfida me Zvicrën, dëshirojmë të tregojmë cilësi të mirë, do mundohemi të fitojmë, t’i fitojmë edhe ndeshjet e play-offit dhe nëse e arrijmë do shkruajmë histori të madhe”.

“Një popull shumë i mirë dhe janë mikëpritës, po ashtu në ndeshjen e Zvicrës dimë të luajmë futboll,
kemi ndërruar disa detaje  që kanë treguar sukses, këtë pasion dëshirojmë ta tregojnë edhe në vazhdim”.

Ai në fund u pyet edhe për publikun kosovar.

“Nuk e di se sa kosovarë ka nëpër botë, por na ka dhënë energji të madhe sikurse në Suedi e Slloveni, dhe nesër pritet të jetë një atmosferë e jashtëzakomshme dhe stadiumi të digjet”, përfundoi ai.

Ndeshja Kosovë – Zvicër luhet nesër nga ora 20:45./Arbresh.info/

LEXO EDHE:

Hajdari synon fitoren me Zvicrën, flet edhe për deklaratën e Granit Xhakës