Sindikata e Policisë së Kosovës përkrah instruktorët e policisë me dhurim të çantave të punës

14:32 | 10 Nëntor 2025
E.G

Në shenjë vlerësimi dhe përkrahjeje për punën e palodhshme të instruktorëve të Policisë së Kosovës, Sindikata e Policisë së Kosovës (SPK) ka realizuar sot dhurimin e çantave të punës nga Sindikata për instruktorët që shërbejnë në Akademinë e Kosovës për Siguri Publike.

Kryetari i Sindikatës së Policisë së Kosovës, Avdi Hoti, theksoi:

“Instruktorët janë shtylla e profesionalizmit në Policinë e Kosovës. Përkushtimi i tyre në trajnimin e zyrtarëve të rinj është themelor për një polici profesionale, moderne dhe të besueshme. Ky është vetëm një gjest mirënjohjeje për punën e tyre të ndershme dhe përkushtimin ndaj profesionit.”

Ky aktivitet është pjesë e nismave të vazhdueshme të Sindikatës për përmirësimin e kushteve të punës dhe për mbështetjen e anëtarëve të saj në çdo nivel.

Sindikata e Policisë së Kosovës, gjithmonë pranë atyre që mbrojnë dhe shërbejnë me nder./Arbresh.info