Sa herë përmendet Manchester City, të gjithëve u shkon në mendje emri i Erling Haalandit.

Sulmuesi norvegjez po tregon edhe këtë sezon, pse është një prej ‘9’ më të mirë në botë, shkruan Arbresh.info.

Norvegjezi i cili po kalon në formë të jashtëzakonshme këtë edicion po e mban i vetëm ‘mbi supe’ Manchester Cityn.

Gjatë ndeshjes së sotme me Bournemouthi kur jemi në përfundim të pjesës së parë, ai ka realizuar dy gola. Rezultati momental është 2-1 për Man Cityn.

Me këta dy gola, 25-vjeçari ka shkuar në kuotën e 13 golave në Premier League. I gjithë Manchester City ka realizuar deri më tani 19 gola, 13 prej tyre norvegjezi.

Ai këtë sezon në elitën e futbollit anglez nuk ka realizuar vetëm në dy ndeshje, sfidën e fundit me Aston Villan të cilën City e humbi 1-0. Në fakt norvegjezi realizoi në këtë sfidë mirëpo goli i tij u anulua nga VAR-i.

Ndeshja tjetër që nuk ka shënuar është përballja e javës së dytë me Tottenham.

Nëse Haaland do të vazhdoj me këtë formë deri në fund të sezonit, padyshim që është në rrugë të mirë ta thyej rekordin e tij që e ka 36 gola brenda një sezoni./Arbresh.info