Nuk ndalen lajmet e këqija për Liverpoolit, ylli i skuadrës do të mungojë për gjashtë javë

17:40 | 30 Tetor 2025
D.H

Liverpooli ka marrë një tjetër lajm të keq pas eliminimit në Carabao Cup nga Crystal Palace.

Futbollisti i krahut të djathtë, Jeremie Frimpong do të qëndrojë jashtë fushave për gjashtë javë pas një dëmtimi në muskul (hamstring) që pësoi kundër Eintracht Frankfurt në Ligën e Kampionëve.

TalkSPORT raportoi se problemi i fundit i 24-vjeçarit me muskujt e pasmë do ta mbajë jashtë fushës për gjashtë javë, duke sugjeruar se një rikthim në dhjetor, në kulmin e periudhës festive, mund të jetë shpresa e tij më e mirë.

Me një listë ndeshjesh vendimtare në horizont, përfshirë përballjet me Aston Villën, Real Madridin dhe Manchester Cityn, skuadra e Slot pritet të vihet nën presion të madh, ndërsa situata e holandezit mund të përkeqësohet.

Ky është lëndimi i dytë që pëson Frimpong brenda këtyre muajve, që nga transferimi i tij tek Liverpooli në verë nga Bayer Leverkuseni./Arbresh.info