Mediumi kroat “Verçenjilist” ka raportuar sot për njohjen e pavarësisë së Kosovës nga Siria, duke e cilësuar këtë vendim si një “dush i ftohtë” për Beogradin, për shkak të raporteve historike ekonomike dhe politike mes Serbisë dhe Damaskut.

Sipas mediumit kroat, Siria nën regjimin e Bashar al-Assadit ka pasur lidhje të ngushta me Rusinë dhe Vladimir Putinin, dhe më parë, së bashku me Rusinë dhe Iranin, ka mbështetur fuqimisht integritetin territorial të Serbisë.

“Serbia, e cila nuk vendosi sanksione ndaj Sirisë pavarësisht kërkesave perëndimore, ka mbajtur marrëdhënie të mira politike dhe ekonomike me Damaskun. Së bashku me Rusinë dhe Iranin, Siria ishte ndër vendet e pakta që mbështetën fuqimisht integritetin territorial të Serbisë. Pikërisht për këtë arsye shumë në Beograd e shohin njohjen e sotme të Kosovës nga Damasku si një tradhti dhe një goditje serioze për politikën e jashtme serbe”, shkruan “Verçenjilist”.

Siria njeh Republikën e Kosovës