Sindikata e Policisë organizon lojëra sportive përkujtimore në nder të policëve të rënë në detyrë

09:08 | 30 Tetor 2025
E.G

Sindikata e Policisë së Kosovës ka nderin t’ju ftojë në lojërat sportive të cilat organizohen në shenjë nderimi dhe përkujtimi të zyrtarëve policorë të rënë në krye të detyrës zyrtare.

Sipas njoftimit, aktivitetet do të mbahen nesër, më 31.10 deri më 01.11.2025, në rajonin e Pejës, tek Qendra Sportive “Shpella e Bobit” në Fierzë, komuna e Pejës, shkruan Arbresh.info.

Në hapje të këtij eventi sportiv pritet të marrin pjesë përfaqësues të lartë nga institucionet vendore, stafi menaxhues i Policisë së Kosovës, familjarë të policëve të rënë në kryerje të detyrës, si dhe përfaqësues të sindikatave policore nga vendet e rajonit dhe më gjerë.

Pjesëmarrës do të jenë edhe ekipet sportive të cilat do të garojnë gjatë këtyre ditëve në sportet si: futboll, volejboll, shah dhe shenjëtari./Arbresh.info/